ســـؤال ارد اسألك ؟؟

سؤال ارد اسألك عن زمانك ؟..
وفي ويستاهك توزعلة حنانك؟..
واذا تنطي الحنان يردلك بساعات
لو يجبرك تنسحب تسحب كيانك؟..
وارد اسألك عن حبيبك .
شفت منة الي يعيشك بالجحيم...
لو شفت بسمة ووفة وهيبه بمكانك؟

وارد اسألك علة ايامك؟
عشت بيهة بكل دقايقهة عذاب لو حلت كلش حلت بسمك ايامك؟

وارد اسألك علة احلامك؟.
تحلم بالمخاوف والرعب يهجم عليك؟..
لو تحلم يطوفك فارس احلامك؟..

وارد اسألك علة اخوانك؟..
هم تحس الطعنة جتك من اخوك؟..
لو تحلة عشرتك وية خوانك؟..
وارد اسألك علة اعوانك؟..
هم ماكو الك صحبة ولعون؟..
لو حلوة نظرتك من تشوف اعوانك؟..

الجـــــــــــــــــــــــــــــــــواب.....بصدري باقي وهسة اسولفلك عليه...

الزمن/مارحم لحظة بشر..
وجمع لوعاته وخبطهة وية القدر...
والحبيب/الحبني هاجر...
وصدكوا هو الخسر...
والايام/كلهة حسرة..
من سبتهة لحد جمعهة بكل شهر..
والاحلام/انسة تحلم..
لأن تتندم عمر..
والأخوان/صعبه توصفلك اخو بهذا الزمان..
تشوفة بير وتالي يطلعلك صخر..
والأعوان/اعوانة صارت ذياب ..
لأن كل ساعة نسمع بالزمن هذا الغدر..